البريد الالكترونى

Delivered by FeedBurner

تابعنا على فيس بوك

لتبينن للناس ولا تكتمونه..#بيان_مغالطات_أحمد_عمارة (1)

المحتوي الرئيسي


لتبينن للناس ولا تكتمونه..#بيان_مغالطات_أحمد_عمارة (1)
  • أحمد الباز
    19/09/2017 08:25

أحب أنبه على نقطة مهمة جدا

اني لا دخل لي بالشخص ولا نيته ولادوافعه كلها له فيها بين يدي الله موقفا موعدا لن يخلفه انا برد على الطريقة ببيان المغالطات والتدليس والكذب اللي ممكن يورد في الكلام

.........

في المنشور دا "post" كالعادة بيصيغ الشبهة على هيئة حوار بينه وبين حد تاني ويحط فيه المغالطات تعالوا نمسك المنشور من اوله :

# لما بيقول (يعني اللي شايف إن في عشرة أو عشرين حديث غلط أو حتى مائة في كتاب البخاري يبقى اسمه بيطعن فيه؟!!!)

الرد :

- مفيش مشكلة خالص ان حد يتكلم عن أحاديث في البخاري او في اي كتاب من كتب السنة ، الاشكالية هي التالي : ايه هي المعايير اللي بتستعملها في الحكم على الحديث انه غلط او صح ، هي دي القضية والمشكلة (مع العلم انه بيطعن في البخاري نفسه كشخص وبيعرض بيه انه دسيسة في الاسلام عشان يبخربه من الداخل ودا هجيبه في رد تاني ) الاشكالية في "المنهج" في "المقاييس" في " المعايير" اللي بنحكم بيها على الخبر النبوي اذا كان ينفع نقول ان دا منسوب للنبي صلى الله عليه وسلم ولا ماينفعش ، والنقطة دي مش موجودة ومش واضحة نهائيا في مدرسة أحمد عمارة وأمثاله ، ومن باب العلم ، الامام البخاري رحمه الله عرض كتابه على ائمة عصره كالامام احمد بن حنبل وغيره وقبلوه لكنهم استثنوا منه 4 احاديث قالوا ان فيهم انقطاع في السند ، وفي علماء حديث تانيين اتكلموا في بعض احاديث في البخاري ومحدش هاجمهم ، ليه؟ عشان بينقضوا بمنهجية ، بينقدوا بناء على معايير

يعني لما احب انقد نيوتن فلازم انقده بناءا على معايير ومقاييس ومنهج ومسلمات وثوابت الفيزياء ، مش عشان كلام نيوتن مش عاجبني او "شايفه" غلط ، لما أحب احاكم نص أدبي لازم احاكمه لقواعد الادب ومسلماته مش لذوقي الشخصي ، حتى لو حكمته لذوقي الشخصي فرأي غير معتبر عند الادباء لان رفضي للنص الادبي مش مبني على اسس علمية .

عشان كدا علماء الحدبث وأهل الفن المتخصصين لما طبقوا معايير علم الحديث ونقل الخبر عن النبي صلى الله عليه وسلم على كتاب صحيح البخاري قالوا كلمتهم المشهورة (واللي بيسخر منها احمد عمارة كتير) انه أصح كتاب بعد كتاب الله .. يعني اصح كتاب في تطبيق معايير نقل الاخبار بعد القران

...............................................

# حب يأكد على المعنى الأول اللي هو إن تخطئة أحاديث في البخاري ورفضها مش معناها الطعن فيه فيعمل ايه ؟ يدلل على كلامه ازاي ؟ جاب مثال فيه تدليس وكذب عشان يثبت وجهة نظره ومبدأه ،خلاصة الدليل دا بيقول (طيب إيه رأيك إن تلميذه مسلم أول حد طعن فيه "على حد تفسيرك" .. الخ )

هنا أحمد عمارة بيصور للناس ان البخاري قاعد بيقول أحاديث ومسلم قاعد بيسمع منه ، راح مسلم مألف كتاب تاني سماه صحيح برضه حط فيه "نفس" أحاديث البخاري ورمى منها اكتر من ٢٠٠٠ حديث عشان مسلم مش مقتنع بيهم وغلط البخاري فيهم واحنا متقبلين كدا وزي الفل ومش معتبرين مسلم طعن في البخاري ، فليه بتزعل مني لما بعمل زي مامسلم عمل مع البخاري وبتعتبر تصرفي طعن ومبتعتبرش تصرف مسلم طعن؟!!

تعالوا نعد المغالطات والتدليس والكذب في الكلام دا

- البخاري مش "شيخ" مسلم .. اه والله زمبؤلك كدا ..الامام مسلم بدأ طلب الحديث من صغره سمع من شيوخ بلده نيسابور ولف البلدان الاسلامية اكتر من مرة واخذ الحديث من علماءها راح مكة والمدينة وبغداد والكوفة والبصرة ومصر والشام ، كام سنة الامام مسلم بيلف على العلماء ويجمع الاحاديث منهم ، 15 سنة !! سمع من كام شيخ ؟ سمع من مئات المشايخ ، شيوخ مسلم اللي حدث عنهم في صحيح مسلم بس (لان الامام مسلم ألف اككتر من كتاب) 220 واحد!! اه وربنا 220 واحد روى عنهم مسلم في صحيح مسلم هحطلك رابط تحت فيه اسماءهم ، وعلى فكرة البخاري مش منهم !!! عارف ليه؟ خليها للاخر

أكبر شيوخ مسلم هو الامام عبدالله بن مسلمة القعنبي ، اللي هو نفسه شيخ الامام البخاري :) يعني البخاري ومسلم خدوا من نفس الشيخ !!

- بيقولك مسلم ساب اكتر من الفين حديث رواهم البخاري عشان مسلم مش مقتنع بيهم :) صحيح البخاري فيه 2761 حديث صافي يعني بعد حذف الاحاديث المكررة ، صحيح مسلم فيه حوالي 4000 حديث ، الامامين رووا حوالي 2006 حديث هم نفسهم اللي اسمهم "متفق عليه" يعني مش اكتر من 2000 حديث :)

- معلومة : الامام البخاري مقلش ان اي حديث مش موجود في صحيحه يبقى مش صحيح ، الامام البخاري حط "منهجية" لكتابه ومشي عليها وحط في كتابه اللي وافق الشرط اللي كان حاطه على نفسه ، والامام مسلم حط منهجية لكتابه ومشي عليها ورغم كدا اتفقوا في 2006 حديث ، الفرق بين الشرطين ابقى اوضحه بعدين عشان ماطولش اكتر

- فرق بين عدم الرواية والمخالفة ، هو دخلهم في بعض عشان يثبت مبدأه المنحرف

معنى منطقه ان لو واحد تلميذ اينشتين والف كتاب فيزياء مكنش نسخة طبق الاصل من كلام اينشتين يبقى كدا مخالفة لاينشتاين وانه مش مقتنع بكلامه !!!

- وجدلا لو مسلم خالف البخاري جدلا جدلا ، فهيخالفه "بمنهجية" محددة ومعايير معروفة اللي هي معايير اهل الحديث ومقاييس المحدثين ، مش هوى ومزاج والحديث دا كيوت والحديث دا بيقشعرلي جسمي !!

- التقيلة بقى ، ليه مسلم مارواش عن "شيخه" البخاري .. عشان الامام مسلم قابل ولازم البخاري بعد ما كان كتب الصحيح بتاعه ههههههههههههههههه اه وربنا ، المهم انه

الامامين اتقابلوا بعد ما الصحيح اتكتب والامام مسلم قعد يتعلم من البخاري ويسأله ويتعلم منه بعد ما كان جمع الصحيح بتاعه وكتبه عشان كدا البخاري بقى "أحد" شيوخ مسلم مش "شيخه" اللي اخد منه ورغم كدا اتفقوا في 2006 حديث :)

بيقولك احنا اننا للاسف مابندرسش ومابنقراش وبنبغبغ ههههههههههههههههه

..

الروابط

1-الامام مسلم وشيوخه وعلاقته بالامام البخاري والمصادر

https://ar.wikipedia.org/…/%D9%85%D8%B3%D9%84%D9%85_%D8%A8%…

2- الامام عبدالله بن مسلمة القعنبي شيخ الامام مسلم

https://ar.wikipedia.org/…/%D8%A7%D9%84%D9%82%D8%B9%D9%86%D…

3- ليه مسلم لم يرو عن البخاري

http://majles.alukah.net/t129731/

أخبار ذات صلة

تنبيه : هذا المقال هو المقال الثاني في السلسلة, ولن يستفيد القارئ منه استفادةً كاملةً ما لم يطّلع قبله على المقال الأول, ورابطه في أول تعليق.< ... المزيد

مقالٌ مشترك بين : الغازي محمد والحسن البخاري في الرد على الملحد شريف جابر.

---------------------------------

بسم الله الح ... المزيد

إذا كانت أمة محمد - صلى الله عليه وسلم - هي خير أمة أخرجت للناس؛ وإذا كان أهل السنة والجماعة هم خير فِرَقها؛ فإن (الطائفة المنصورة) التي تواترت بشأنها ... المزيد

تعليقات