البريد الالكترونى

Delivered by FeedBurner

أفكار سامة وليست علاقات سامة!

المحتوي الرئيسي


أفكار سامة وليست علاقات سامة!
  • محمد سعد الأزهري
    16/02/2022 05:19

إيّاكِ أن تكملي حياتك في علاقة مسمومة!

الفشل كل الفشل أن تكون ليكى عدة احتياجات وواحد منهم أو اتنين مش قادرة تحصلي عليه لا من جوزك ولا من اخواتك ولا من صحباتك، ورغم كده تكملي وتضيعي نفسك علشان حد!

إنتِ علشان تبقي عايشة كويس وعندك الأمان اللي محتجاه فلازم تعيشي علاقاتك زي ما انتِ عايزة، ومتخليش حد يفرض عليك علاقات سامة!

اتعلمي تستغني عن أي حد، وتبعدي عن أي حد، فيا إما تعيشي عيشة فُلّ يا إمّا تخلصي على الكُل!

ما سبق من عبارات تدل على أن قائلها أو معتنقها لديه عدة أفكار سامة تحرمه من كل العلاقات السوية!

وهو كل شوية بيعلّي الليفل علشان يدمر حياته الاجتماعية وينفرد بنفسه لوحده في ظُلمات الفردية التعيسة!

وظانين إن الفلوس والإمكانيات أو الانشغال بالنت أو الحياة الوهمية هتكون خير بديل لحياتهم الاجتماعية!

ويبدو أنهم لا يفهمون طبيعة الإنسان الاجتماعية، وطريقته في التعامل مع نفسه والحياة من حوله.

ومعروف إن الإنسان بيغلط، وبالتالي مطلوب منه علطول يستغفر ويتوب ويراجع نفسه.

ومعروف ان كل انسان فيه خير وشر، حلو ومر، فرح وحزن، ارتفاع وهبوط، فهو بيعيش طول عمره بالأنواع دي مع بعض وبيتقلب فيها والشرع مع السواء النفسي بيعدله وساعات بيتغلب تاني!

وفي الحديث الصحيح: لا يفرك "أي لا يبغض" مؤمن مؤمنه، إذا كره منها خُلقاً رضي منها آخر.

ليه؟!

لأنها انسانه مش معصومة، وبالتالي كل واحد هيكون فيه وفيه، وبناء عليه مش كل غلط أو خطيئة هنسميها علاقة سامة.

يعني قصدك إن مفيش حاجة اسمها علاقة سامة؟!

طبعاً فيه علاقات سامة ودي بتتعرف عن طريقين بس

الطريق الأول: إن الناس كلها تجتمع على إن العلاقة دي سامة

الطريق التاني: إن المتخصص في "الصحة النفسية" هو اللي يفتي ويقول العلاقة دي سامة أم لا، أو المتخصص في الجانب الشرعي يفتي ويقول لا يجوز لك مصاحبة فلان أو علان لإنه العلاقة معاه سامه من ناحية الشرع وذلك من باب حديث: "المرء على دين خليله فلينظر أحدكم من يخالل".

أما ما يحدث من اختراعات بعض الناس ويسمي بعض العلاقات الصعبة أو المشكلات التي لا يستطيع حلها أنها علاقات سامة، فهذه تسمية سامة له ولها أولاً، لا تلتفتوا إليها ولا ترددوها!

 

أخبار ذات صلة

حَسْبُ الذين عادوا من وادي الضِّبَاعِ أنهم عادوا..

وَحَسْبُكَ رَادِعَاً عن السير في واديهم؛ جِرَاحَاتُهم الباديةُ أمامَ عينيك!! المزيد

هذه شهادتي لإجابات عن أسئلة حول تطبيق الحدود الإسلامية في مصر وجهتها لأستاذين للشريعة الإسلامية، كانا في دائرة صنع القرار الضيقة في عهد الرئيس السادات ... المزيد

ذهب علماء الغرب إلى حد يمكن أن يصفه المؤمن بأنه شرك بالله، ففكرة العالم الافتراضي الذي يسعون لنشره باعتباره إنجازا علميا يدل على مدى تفوق العقل الغربي ... المزيد

#ريان طفل مغربي لم يتجاوز عمره خمس سنوات، خرج من منزله ليلهو ويلعب بجوار المنزل كما هو معتاد، ولكن يقدر الله في هذه المرة أن يسقط في بئر عميقة تصل إلى ثلا ... المزيد